არსებობს წიგნების დაწვაზე საშინელი დანაშაული. მაგალთად - არ წაიკითხო წიგნი.
ამბავი ბანალურია. ლაშამ, ჯერ კიდევ ახალბედა მწერალმა, დაწერა მოთხრობა,,პირველი რუსი" -ეგ ყველას გვახსოვს. ზოგმა წავიკითხეთ, მეც მათ შორის და საერთოდ არ მომეწონა როგორც მოთხრობა ზემოთხსენებული მანერის გამო. ზოგს არ წაუკითხავს, მაგრამ აღტკინებული სასულიერო ზომბიპირებისა და ზომბიმრევლის გადარევას ენდო და ჰგმო და ჰგმო. პირადად, მეორეჯერ (მესამეჯერაც) ამ დაგმობის გამო წავიკითხე. ,,რა გამომეპარას" ძებნაში.
ეს ამბებია აღწერილი. მწერლის შიშები. ზომბიმრევლის რეაქცია, ვიზიტი საპატრიარქოში ერთხელ, ორჯერ,სამჯერ.. ვარდების რევოლუცია... აღწერილია დოკუმენტურად, სარკასტულადაც. უყვარს ბუღაძეს სარკაზმი და მე თუ რამე მომწონს მის მოთხრობებში, ალბათ, მოვლენების ასე ხედვაა. ყველაფერი ნაცნობია, სიტუაცია, პერსონაჟები,სახელები და სახეები. ედუარდ შევარდნაძე, სააკაშვილი და პატრიარქი რომ ის ედუარდ შევარდნაძე, სააკაშვილი და პატრიარქია, ჩვენ რომ ვიცით, ამაში ეჭვია არ გვეპარება. საპატრიარქოს მდივანი ხათუნა რომ იმავე საპატრიარქოს რეალური შორენაა, ედოს მხარდამჭერ გადაცემაში მოწვეული ბიოგრაფიის გამო ხისფეხგამოწეული კინორეჟისორი, რომელიც წამოჭარხალებული ყვირის,,ჭკუა არ გაქვთ თავში, რას ანგრევთ არ იცით! ვის თამაშს თამაშობთ? შევარდნაძე კბილებით აკავებს მშვიდობას, ეს არ გესმით თქვენ, იმიტომ, რომ ლაწირაკები და სულელები ხართ! და კიდევ ქვეყნის გამანადგურებლები! ქვეყნის მოღალატეები!" ---- გიგა ლორთქიფანიძეა, სპეციალურად ხმისტემბრდაყენებული, სქელგრიმწასმული გადაცემის წამყვანი, რეჟიმისდამცველი კოკი რომ კოკა ყანდიაშვილია, არც ამაში გვეპარება ეჭვი. მოკლედ, ყველანი აქ არიან -გაგა-გიგი. კოკი-კოკა, ხათუნა-შორენა, ყველა ვინც გვგონია წარსულში დავტოვეთ, სინამდვილეში ახლაც ცდილობს მართოს ჩვენი სურვილები, ჩვენი ყოფა, ჩვენი ცხოვრება. ბელადმოცვლილი ქვეყანა რომ ზეიმობს და ზეიმისას კითხულობენ ,,ბელადი სადაა?" , ბელადომანიის ქვეყანა რომ ვართ, პატარა ქვეყანა რომ ვართ, დიდი ამბიციებით და პატარა შესაძლებლობებით, თუ გაინტერესებთ , რა როგორ იყო , ან თუ გინდათ შეიხსენოთ წარსული, წაიკითხეთ.
გააზიარეთ
Подписаться на:
Комментарии к сообщению (Atom)
0 коммент.:
Отправить комментарий